منتدى مزيكا
هههههههه قفشتك انتا عضو معانا ومش مسجل الدخول سجل دخولك يلا بسرعة
اها شكلك زائر منور المنتدى وياريت تسجل معانا فى منتدى مزيكا

واهلا بكل اعضاء مزيكا الجدد


تحميل افلام اجنبى افلام عربى برامج مسلسلات صور اخبار الفنانين اغانى جديدة مشاهدة مباريات بث مباشر
 
الرئيسيةس .و .جالتسجيلدخول

شاطر | 
 

 الموضوع خاص بالبنات المخطوبين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mfm
كبار الشخصيات
كبار الشخصيات
avatar

الدرجات : 780


مُساهمةموضوع: الموضوع خاص بالبنات المخطوبين   الأربعاء سبتمبر 01, 2010 7:26 pm



عريس يا بوى .... طخه بس متعوروش يا بوى...
هالو ايفرى بادى وشورت وفانلة وكاب ......

[center]سيداتى انساتى عايزكم النهاردة تطرطقوا ودانكم على الاخر

ان شاء الله اذا حد فيكم اتفكت عقدتها واتخطبت فاليكن بعض من النصائح اللى بأذن الله هتوديكم فى داهية

عايزكم اول ايام الخطوبة

انك تاخدى بالك من تصرفاتك كويس بدل ما العريس يطفش

من اولها بعد ما جه بطلوع الروح .....والدعاء فى الصلاة .... وزيارة اولياء الله الصالحين

والدوخة عند المشايخ ...والكلام ده كله

يعنى تحافظى عليه لاخر نقطة فى دمك وتذكرى جيدا

انه محدش بياكلها بالساهل..... ده المثل الوحيد اللى يفضل حلقة فى ودنك
فردة واحدة مش فردتين


اول ما تعرفى ان العريس قادم وجاى يزوركم بعد الخطوبة





علطول من غير كلام تروحى تنضفى وتلمى النعكشة والكمبوشة

اللى عملاهم فى دماغك وتحاولى تسرحيه كده وتسشوريه او تولعى فيه
الاتنين واحد ده اذا كنت من ذوات الشعر ابوسلك مواعين

اما اذا كنتى من ذوات الشعور الناعمة الملساء

فانصحك بانك تخبيه من عين العريس وامه لانه بعد الجواز مش هيفضل منه ولا شعره وبالتاكيد هتركبى باروكة ده من كتر حرقة الدم والعلق اللى هتاخديها فالاحسن والافضل انك تلبسى ايشارب وتداريه








-نيجى للميك اب والميك ام عايزين مكياج بنانيتى

يا ست الكتكوتة " على راى اللمبك"

يعنى حاجات كده على خفيف بلاش سايبس وتريكس والبلاك اللى بتهببى بيه عينك

خليكى على طبيعتك ميك أب رقيق
كده كده الراجل هيشوفك بعد الجوازمن غيره وبالتاكيد هيتفزع []ومش بعيد يغمن عليه من اول طلة
فعلشان نتفادى الصدامات والذى منه نؤهله من بدايتها


واهم من ده كله البرفانات واختراع الروايح والحاجات الحلوة دى

وتسيبك بقى من فرم التوم وريحة البصل والموغات

كده كده ايامهم جاية جاية غصب عنك او برضاكى




اللبس عايزين احترام واحتشام وادب يعنى بلاش محزق وملزق وبلبانة

علشان ميقولش من اولها سايبة ومفيش حد يلمها
وابقى بعد الجواز طلعى عينه والبسى كل اللى نفسك فيك

اهو هيكون ادبس وخلاص ولو ان ابقى قابلينى
لو عتبتى بالهدوم دى بره عتبة باب البيت

ولو عتبتى هتلاقى الباب فوق نفوخك عدل

امال..... ساعتها هيكون زمن الدلع والعياءة ولى وراح
وأتى زمن الجلاليب ام سفرة وكم بكرانيش



المهم لبسنا واستحمينا وحطينا ميكب واتريحنا وبقينا تمام
نقعد بقى نستنى الفرج لحد ما العريس يجى يرزع على الباب

لا استنى .... مش من اولها لهفة وقلبنا يهفهف زى الغسيل المنشور
ونروج جرى رهوان على الباب.... لا ساعتها تفتكرى ان التقل صنعة

تهمدى كده ونقعد مكانا وتخلى حد من اخواتك يفتح الباب ويستقبله

وتنبهى عليهم خاصة لو كانوا صغيرين مش اول ما يشوفوا
علبة الشيكولاته يخطفوها ويسيبوه ملطوع على الباب

علشان الراجل مايقولش محرومين وطفسين ويحس انه مناسب مجاعة افريقيا



تسيبه كده يجى نص ساعة قاعد مع بابا ياكل دماغه شوية من الرغى
وبعدها تخرجى من الاوضة علشان هيكون الراجل فرفر خلاص وبيقول انقذونى

اول ما تشوفيه عايزين اتنين كيلو صلصة طماطم على وشنا من الكسوف والخجل

والكلام ده والعينين فى الارض لحد ما تحسى بالحول






قال يعنى محرجة وفى نص هدومك وكأنك اول مرة تشوفى الكائنات دى "اللي هما الرجالة "


بعدها نستنى جملة سلمى على خطيبك وتمدى ايدك بالطراطيف وتسلمى
وبكل رقة اهلا ازى حدرتك ايون حدرتك وختيبى وتنت وكده

مش حضرتك وخطيبى وطنط ابعدى عن حرف الطاء خالص لانه بيكلكع البق

وأول ما الراجل ربنا يفتح عليه
لا مشيقرا سورتين
اقصد يفتح عليه فى الكلام
نسمع كويس ونرد بأدب
ومش عايزين ايه... ونعم وطرش وضعف سمع من اولها
خلى الاعاقة دى لبعدين كله جاى بعد كده ماتستعجليش وتفتكريها بمبى








والضحكة اهم حاجة الضحكة تكون بسيطة يادوبك فتح الخدين وضم الشفاتين
بلاش الضحكة ام سنان دى علشان الطقم ما يبانش
وياخد باله من الحشو والتركيب والتسويس





يعنى عايزين "يابو ضحكة جنان " "مش يابو ضحكة سنان"

كمان تبقى مركزة اوى مع ماما اول ما
تغمز بعينيها يعنى امشىانجعرى على المطبخ

تروحى على المطبخ رهوان




وتمشى بسرعة 3 حصان

بس منغير رفس

وتحسسيه انك كلك نشاط وحيوية مش ......
وتروح تقدمى المشروبات بكل شياكة وخلى بالك من الدلق

وخاصة العصاير على البنطلونات علشان التلزيق والنمل

واول ما يبقى فيه كلام على الطبخ والمواعين وتقشير البصل

مش عايزين نتأفف من اولها ونشوح بايدينا

عارفين انها حاجات تزهق بس ما باليد حيلة

لازم تبينى انك ست بيت شاطرة وياريت لو تحفظيلك كام وصفة كده
من كتاب ابلة حظيرة وتقوليهم ادامه
علشان قلبه يطمئن انه واخد ست البنات مخترعات الهبابات وعك البطون وعمل الشلنكبات





معلش تعالى على نفسك فى الخطوبة بس وبعد الجواز
ابقى تنبلى براحتك واضربيهاله صرمة قديمة
ويبقى يقابلنى لو شاف شغل بيت

المهيه من جيبه لايد الشغالة عدل
وابقى اتحججى بضوافرك
والباديكير والمانيكير ... واوه باباه .....اوه ماماه....فينك يا تيزة وكده يعنى



لكن بالله عليكى اذا كنتى عايزة تكلبشى
فى الراجل بايدك ورجلك
وتاخديه الى قفص النسانيس والقرود






اقصد الزوجيه لازم تتبعى هذه الخطوات

اللى كل خطوه منها تودى على سكة جنينة الحيوانات

واللى يروح مايرجعش

واسأل مخرب


منقول تم تعديلةmfm
[/center]
الرجوع الى أعلى الصفحة اذهب الى الأسفل
mfm
كبار الشخصيات
كبار الشخصيات
avatar

الدرجات : 780


مُساهمةموضوع: رد: الموضوع خاص بالبنات المخطوبين   الأربعاء سبتمبر 01, 2010 7:28 pm

هو المفروض يروح قسم البنات بس انا خدت عهد مدخلش هناك خالص
الرجوع الى أعلى الصفحة اذهب الى الأسفل
!imaysi!
مدير
مدير
avatar

الدرجات : 1584


مُساهمةموضوع: رد: الموضوع خاص بالبنات المخطوبين   الأربعاء سبتمبر 01, 2010 8:38 pm

اوك من عيوني انا هنقلو


بس برضو مينفعش انو يتحط بقسم الترحيبات ولا اي


الرجوع الى أعلى الصفحة اذهب الى الأسفل
!imaysi!
مدير
مدير
avatar

الدرجات : 1584


مُساهمةموضوع: رد: الموضوع خاص بالبنات المخطوبين   الأربعاء سبتمبر 01, 2010 8:38 pm

ههههههههههههههههههه

حلو كتير


دائما مع جديد محمد والمرح


ربنا يخليك لاهلك وماماتك واخوتك ولينا


مرسي جدا ع الموضوع الحلو دة



جزاك الله خيرا

Suspect
الرجوع الى أعلى الصفحة اذهب الى الأسفل
yaraaaa
كبار الشخصيات
كبار الشخصيات
avatar

الدرجات : 412


مُساهمةموضوع: رد: الموضوع خاص بالبنات المخطوبين   الخميس سبتمبر 02, 2010 2:35 pm

هههههههههههههههههههههههههههههههههههههههههههههههه
تسلم ايدك يا محمد

-نيجى للميك اب والميك ام عايزين مكياج بنانيتى

يا ست الكتكوتة " على راى اللمبك"

يعنى حاجات كده على خفيف بلاش سايبس وتريكس والبلاك اللى بتهببى بيه عينك

خليكى على طبيعتك ميك أب رقيق





اها والنبى بلاش المتحف المصرى اللى بيحصل

فى الوش دة تقولش عروسة مولد ياناس

ههههههههههههههههههههههههههههههههههههه


نايس توبيك يا محمد
الرجوع الى أعلى الصفحة اذهب الى الأسفل
 
الموضوع خاص بالبنات المخطوبين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مزيكا  :: المنتديات العامة :: منتدى مزيكا العام-
انتقل الى:  

دردشة مزيكا
لتغيير اسمك فى الشات اضغط اول اسم فى القائمة على اليمين باللون الاخضر