منتدى مزيكا
هههههههه قفشتك انتا عضو معانا ومش مسجل الدخول سجل دخولك يلا بسرعة
اها شكلك زائر منور المنتدى وياريت تسجل معانا فى منتدى مزيكا

واهلا بكل اعضاء مزيكا الجدد


تحميل افلام اجنبى افلام عربى برامج مسلسلات صور اخبار الفنانين اغانى جديدة مشاهدة مباريات بث مباشر
 
الرئيسيةس .و .جالتسجيلدخول

شاطر | 
 

 يعني ايه " كولا زيرو !!!! ‏"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
roaa
عضو جديد
عضو جديد
avatar

الدرجات : 100


مُساهمةموضوع: يعني ايه " كولا زيرو !!!! ‏"   الجمعة مايو 07, 2010 7:11 am

يعني ايه " كولا زيرو !!!! ‏"


يعنى يقولك ان من اهم انجازات عصر ما بعد الثورة هى مجانية التعليم.....و أى اسرة فى مصر بتبيع اللى وراهها و اللى قدامها علشان
الدروس الخصوصية
!!!!


يعنى يعملوا مؤتمر سنوى لأنجازات الجزب الوطنى ......و الناس كلها عارفة ان مؤسسة رسالة هى اللى فاتحة بيت ناس كتييير قوى فى البلد!!!!


يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و ييجى بطرس غالى يفررض عليها ضريبة عقارية.!!!!!!!!


يعنى حسنى مبارك يعمل سور لقتل اطفال غزه


ويطلع واحد يقولك البرادعى عميل لاسرائيل


يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة


يعنى وزير صحة شريك فى كبرى مستشفيات البلد)‏دار الفؤاد) و مراته
تتعالج على نفقة الدولة



يعنى ناس غلابة و مش لاقين الزلط حتى وعضو مجاس الشعب يطلب منهم ثلث قيمة قرار العلاج على نفقة الددولة رشوة عشان يتعلجوا على نفقة الدولة


يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز


يعني وزير الإسكان يبقي سمسار اراضي !


ووزير التعليم يبقي بلطجي قديم !


ووزير الصحه بيتعالج علي نفقة الدوله !


يعنى جمال مبارك يسرق فلوسنا وارضنا ويوزعها على اصحابه


و ييجى واحد يقولك اللى تعرفو احسن من اللى ما تعرفوش





يعنى كولا زيرو


و غاز زيرو


و مرتبات زيرو


و ضمير زيرو


وتنمية زيرو


و انتخابات زيرو


و صحة زيرو


و دقيق زيرو





يعنى
تبقى واثق أيام اختيار الدولة المضيفة لكأس العالم 2010 ان مصر هاتخدها
لأنعدام الامن فى جنوب أفريقيا و عدم و جود بنية تحتية فى المغرب و فجاة
تاخد صفر كبييير من لجنة الفيفا



يعنى
يطلع واحد فى التلفزيون يقولك آه البرادعى ...عارفه عارفه دا حمدى غيث
بتاع انا البرادعى يا رشدى......... و يبقى تامر حسنى و شعر صدرة من
علامات الرجولة و لا حول و لا قوة الإ بالله



يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عنندك


يعني تترشح في الانتخابات عن فئة (العمال) وتنجح فتعيش عيشة (الملوك)


. ‏إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.





يعنى تبقى بعض الدول العربيه اللى مكانش حد يسمع عنها كلها نظام ونضافه------ واحنا اللى كنا بنعلمهم من 30 سنه؛ والزبالة وعدم النظام
في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش في
ه الشعب المصري


يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!


يعني لما الشعب ما يلاقاش سكن ويروح يسكن في الجبل ويقع عليه يقولوا عشوائيات


يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يمووتوا .... يطلع التحقيق انهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم


يعنى قناة ال BBC ‏فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!



يعني مصانع الحديد كانت بتبيع الطن ب2000 جنية ويجي بقدرة قادر ‏احمد عز ‏محتكر الحديد يبيعه ب8000ججنية ........ تيجي الحكومة تعمل قانون تفصيل مخصوص؛ ليه؛ عشان تحمية من بطش الناس


يعني يبقي اليهود نهبوا فلوس العالم عشان الهولوكوست الوهمي


ويتباهو بقتل اسرانا في تليفزيونهم ومحدش يقولهم حاجه !


يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السوده كمان


لما
وزير التربية والتعليم المسئول عن تخريب الثانوية العامة وتعديلها اكتر من
مرة خلال 4 سنوات والغاء سنة 6 من الابتدائي ..... يكون رئيس مجلس الشعب
وممكن رئيس جمهورية كمان في حالة وفاة الرئيس



يعني قطارين يخبطوا في بعض والي يتحاسب الكومسري وفي مقولة اخرى البقرة الي كانت واقفة على القضبان


يعنى
تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان
دكاترة وممرضين ووزير المالية وزوجة وزير الصحة بيتعالجوا بالملايين على
نفقة الدولة



يعني تبقي عندك بحرين و نيل و قناة السويس و11 بحيره وبتستورد السمك من بره !


يعني
ربنا يكرمك وتكون رجل اعمال ولا سيدة اعمال وتاخد 2.800 مليار جنية مصري
من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك
تلات اربع مرات وتكون برئ قدام الحكومة وكمان ت
تنزل انتخابات مجلس الشعب وتنجح!!!!


يعني يتحرق مجلس الشورى؛ والشعب يدعي ربنا ان النواب يكونوا جواه


لما
الاعلام الحكومة والخاص مش همة الشعب الي مش لاقي ياكل ولا يلبس ولا يسكن
وطبعا بدون عمل ...... وهمة كلة يعرف مين قتل سوزان تميم والمحكمة هتحكم
باية في قضية مرتضى منصور وشوبير !!!



لما الدايرة الي فيها 2500 صوت مرشح الحزب الوطني ياخد لواحدة 13000 صوت


يعنى لما يكون يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات


لما
يمنعونا من زراعة القطن الي بنتميز بية وبعد كده يروحو يبيعوا مصانع الغزل
والنسيج لمستثمرين يهود يسرحوا العمالة ويقطعو الشركات ويبعوها اراضي على
النيل



يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية


يعني من الاخر كده الولد عمر ابني مديون ب 13 الف جنية


ما تيجوا نلم ديون مصر


يعني ‏كلنا خايفين علي مستقبل مصر


واللي ماسكينها خايفين علي مستقبلهم هما


لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طللعت يدى سوزان 50 مليون من جيب امه


يعنى
لما تكون اقصى سرعه للسيارة 20 كيلو فى الساعه علشان الطرق متنيله بستين
نيله والبلاعات طالعه فى وسط الشوارع واحيانا مفتوحه -------- يطلعوا لنا
بقانون حزام الامان وصندوق الطبى علشان الننوس يبيع ويغتنى من دمنا



لما الموظف فى الحكومة بياخد 500 مرتب و يقولك مش عارف يعيش علشان الزيادة السكانية!!!!


لما يكون عندانا مجلس قومى للمرأة و اعلى معدلات طلاق فى الوطن العربى!!!!


لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....


لما
وزير الاسكان الحرامى يبيع ملايين الامتار ببلاش للمستثمرين مخالفة
لقوانين الدوله ------------ ويبيعوا لنا المتر ب 3000 جنيه فى القاهره
الجديده



و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!


و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا!!!!!


لما طلعت السادات قال بقين على الهوا تترفع عنه الحصانة و يتسجن فى اقل من شهر... و ممدوح اسماعيل صااحب العبارة يسافر من صالة كبار الزوار!!!!!


يعنى تجى تشترى شقه فى اسكان مبارك لمحدودى الدخل تحسبها تلاقيها واقفه عليك بسعر السوبر
لوكس



لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان ييجوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية!!!!!!


و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى ممعتز الدمرداش؟؟؟؟!!!!!!



و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر
الرجوع الى أعلى الصفحة اذهب الى الأسفل
TOP
رئيـــس مجـلـس الادارة
رئيـــس مجـلـس الادارة
avatar

الدرجات : 1180


مُساهمةموضوع: رد: يعني ايه " كولا زيرو !!!! ‏"   الجمعة مايو 07, 2010 7:17 am

هههههههههههههههههههههههههه
منووووووووووورة يا رووووووووووئة
كلة زيرووووووووو كدا
هتزعلى الرياسة مننا

هههههههههههههههههههههه



الرجوع الى أعلى الصفحة اذهب الى الأسفل
roaa
عضو جديد
عضو جديد
avatar

الدرجات : 100


مُساهمةموضوع: رد: يعني ايه " كولا زيرو !!!! ‏"   الجمعة مايو 07, 2010 7:18 am

منورة بوجود با خالد

ثانيا انا مابيهمنيييييييييييييش مش بخاف ما انت عارفنى ضاربنى السلك ههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
وليط
عضو موقوف سلوك سيئ
عضو موقوف سلوك سيئ
avatar

الدرجات : 382


مُساهمةموضوع: رد: يعني ايه " كولا زيرو !!!! ‏"   الجمعة مايو 07, 2010 7:20 am

هههههههههههههههههههههههههههههههههههههههههههههههههههه وربنا عاوز اضحك للصبح
الرجوع الى أعلى الصفحة اذهب الى الأسفل
mâťřŀҳ
مـبــــــــــــــــــــــدع
مـبــــــــــــــــــــــدع
avatar

الدرجات : 360


مُساهمةموضوع: رد: يعني ايه " كولا زيرو !!!! ‏"   الجمعة مايو 07, 2010 4:44 pm

هههههههههههههههههههههههههه
منوووورة يا رووووووئة


ëνễяÝ ţήїńĝ ĊómЗş ẻĄśý , ĠŌêŚ ēĂ∫łËŖ





_ _ __ _ __ _ __ _ __ _ __ _ __ _ _


♥♠♣๖ۣۜ_ҢỀmÄ♥MÄŢŕїX

_ _ __ _ __ _ __ _ __ _ __ _ __ _ _
الرجوع الى أعلى الصفحة اذهب الى الأسفل
tarik
مــديـــر الــمـنـتـــدي
مــديـــر الــمـنـتـــدي
avatar

الدرجات : 120


مُساهمةموضوع: رد: يعني ايه " كولا زيرو !!!! ‏"   الجمعة مايو 07, 2010 7:12 pm

والله كلامك صح وميه ميه تسلم ايدك بجد هيا دي الطهاره الثوريه اللي قال عليها عادل امام
ههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
 
يعني ايه " كولا زيرو !!!! ‏"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» "عقدة البدري" تهدي الحدود اللقب الثاني
» الشبل الصغير الشيخ " مؤمن أسامة " وخطبة بعنوان " وصف الجنة "
» " أرواح بريئة " تحلق فوق سماء المغار
» ملايين جنيه تكلفة برنامج "لعبة الحياة"
» زيارة"جميلة عفيف"لجماعة أولاد حسون محطة استراتيجية لتجاوز الأزمة

صلاحيات هذا المنتدى:لاتستطيع الرد على المواضيع في هذا المنتدى
منتدى مزيكا  :: المنتديات العامة :: منتدى مزيكا العام-
انتقل الى:  

دردشة مزيكا
لتغيير اسمك فى الشات اضغط اول اسم فى القائمة على اليمين باللون الاخضر